Mizo Elite News hi ṭha i tihzawng a nih chuan min lo Follow dawn nia

Novak Djokovic chu a Visa buaina ah hneh na chang zo lovin thawn haw ani dawn

Serbian tennis player Novak Djokovic chu Australian Open ah a dinhmun ngai humhim tum a Jan.5 a Australia ram leilung a rah atang buaina a tawkchho nghal. Covid vaccine a lak loh vangin a visa ah buaina tawkin hren sak a nih hnu ah an inkhing.

Grand Slam winner vawi 20 lo ni tawh hi a tira inkhinna ah hnehna a chang zet a, Australia Open pawh a khelh theih a beiseiawm hle. Mahse vawiin khan Australia Judge te chuan Djokovic visa hi a vawi hnih nan an cancel sak leh a, Tournament tel thei lo turin Australia ram atang chhuah tir in thawn kir leh a ni dawn tih a chiang ta.

Australia lam sawrkar te chuan Novak Djokovic hi vaccine la lo a nih vangin Australia Open ah hian tel ta se midang tan himlo in a hlauhawm theih thu an sawi a, a visa hi an pawm sak thei ta ngang lo. Court lam thu tlukna ah hian Novak Djokovic hi a lawm bik vak lo a, mahse Australia chhuahsan turin Judge thutlukna hi a pawm thu tarlan ani.

Australian Prime Minister Scott Morrison pawh in he thutlukna hi Australia rama cheng mipuite him na tur a ni a, venhimna uluk zawk kalpui chu a tul takzet thu a sawi. Thutlukna siam lai vel hian Court pawn ah Serbian tennis tantu fans te an pungkhawm bawk.

Vaccine a lak duh leh duh loh chu a thu ni mahse mi ram ah a khawsak dawn chuan a ngai si a. Eng ang pawn lar mahse dan chu dan a nih miau vangin Djokovic pawh hian a zawm ngei a tul tlat ani.