Mizo Elite News hi ṭha i tihzawng a nih chuan min lo Follow dawn nia

North Korea Ram Hruaitu Kim Jong Un Chuan A Pa Thihcham Hmanchhungin Dan Khirh Tak A Siam Leh

North Korea ram hi inkaihhruaina khirh ber ram ti a hriat a ni thin a,a ram a cheng mipui te pawh in mihring nun pangngai leh nun zalen an neih ve theih loh bakah dan zawm tur tam tak an ko ah a innghat.

Ram hruaitu ber Kim Jong Un chuan a pa Kim Jong Il thihcham pualin dan khirh tak leh fir tak mai a ram mipuite tan a siam sak leh tih hriat a ni. He chanchin hi International news hrang hrang ah a darh rang hle.

Kim-a hian a pa thihcham kum 10 na herchhuak ah hian North Korea ah a sunna hun hman tura ruahmanna kalpui in Kim Jong Il sun a nih chhung hian Kim Jong Un chuan a ram mipuite chu nuih a khap sak bur a, hei bakah intihhlimna leh thil dang chi phal loh a awm nual tih Radio Free Asia ten an rawn puang.

Zu in te, piancham leh anniversary lawm bakah shopping thlengin khap a ni. Sunna hun hi ni 11 chhung kalpui tur a ni a, hemi hun chhunga piancham lawm tur nei te chu an lainatawm zawk khawp. Mipui zingah an chhungte thi an awm pawn ring tak taka tah a thiang lo bawk.

Heng dan zawm lo tu a piang te chu an chungah hremna na tak pek tur an ni a, kum liam ta ah pawh dan zawm duhlo luhlul fal te chu man an lo ni tawh thin. Western province of South Hwanghae a cheng chuan in Police te hnen ah sunna hun ah hian an hmel atang tawrhna tilang lo te chu uluk takin an thlithlai ang. Mipuite chuan Pyongyang’s Mansu Hill a Kim Jong Il leh Kim Il Sung te lim (statue) hma ah zahna lantirin pangpar te an dah

Kim Jong Il hi 1994 atang a thih hma 2011 thleng khan Democratic People’s Republic of Korea hi a kaihruai a, a boral tak hnu ah a fapa naupang ber Kim Jong Un hian thlak in a ai a rawn awh ve leh ani.