Mizo Elite News hi ṭha i tihzawng a nih chuan min lo Follow dawn nia

North Korea Leader Kim Jong Un Hriselna Dinhmun Chungchang Report US President In Ringlo

North Korea hruaitu Kim Jong Un hriselna dinhmun chungchang ah sawi neuh neuh a tam a, Media ṭhenkhat in a thih huna rorel tu tur chungchang an sawi laiin Report ṭhenkhat ah erawh a boral thu an sawi tawh.

Report tirah kha chuan cardiovascular surgery a nei a, a dinhmun hi a ṭha lo tak zet a zial zuk, thau vang leh rim lutuk vang te in a hriselna hi a ṭha lo hle in a thih lek lek thu tarlan a ni.

A hnu lawk ah chuan Report dang ah North Korea leader thi mai theia an sawi hi dawt vek a nih thu leh ngaihtuahawm a nih loh thu an sawi ve leh bawk. South Korea Official lam pawh in thudik tawk lo a ni tiin a puang ve. April 15 a a pu North Korea’s founding father Kim Il Sung piancham lawmna a telloh vang khan a hriselna chungchang hi a rawn thang ta hluai.

North Korea hruaitu hriselna dinhmun chungchang tarlan ah hian US President, Donald Trump pawh a ṭawngchhuak ve ta hial a. Kim Jong Un damlo anga report chu dawt thu mai leh thudik tawk lo a ni a ti.

“Report dik lo niin ka hria. Report kha a dik loh thu report dang ka dawng tlat. Report dik lo a nih ngei pawh ka beisei a ni” tiin Ningani (Thursday) a White House press briefing ah a sawi. Trump chuan North Korea nen hian hian inzawmna ṭha tak neiin an inṭhian ṭhat thu a sawi bawk

Cnbc