Mizo Elite News hi ṭha i tihzawng a nih chuan min lo Follow dawn nia

North Korea In Covid19 Vei Te A Ti Khawngaihthlak, Covid19 Case Neilo Anga Insawi Khawvel In A Awih Lo

North Korea hi khawvel Media hma ah an ram chhung chungchang thil thleng an thup nasa ṭhin hle. Covid19 chungchang ah pawh an dinhmun chiang tak hi an ram ṭhenawm South Korea ngei pawh in an hrechiang thei lo.

Ram hruaitu lu ber Kim Jong Un an Covid in an ram a tihbuai ve loh thu in ‘coronavirus free’ ti mahse khawvel erawh in a ring lo hul hual.

Covid19 chungchang ah North Korea hian dawt an sawi char char zawk tih sawichhuah in a awm ve leh ta, activist in North Korea chu Covid19 ah an him reng reng lo tih an tlangau pui a, hri vei te chu khawngaihthlak taka enkawl an nih zawk thu leh a ṭhen te chu hrehawm taka nunna a chan thu a rawn sawi a ni.

Christian activist, Seoul-based charity Helping Hands Korea mi Tim Peters chuan huai tak in North Korea a Covid19 Positive te an khawngaihthlak zia hi a sawi. North Korea chuan hri vei te hi secret quarantine camps ah dah an ni a, enkawlna ṭha chu sawi loh riltam a thi tura kalsan an ni a ti.

Quarantine Camp hi Chinese border kiangah buatsaih a nia. Camp a khung te hi medical care a awm lo a, chaw ei tur pawh hmulo in rilṭam em em a awm tir ṭhin an nih thu sawi a ni.

The South China Morning Post hnen ah chuan ṭha taka enkawl an nih loh vang in an chhungten an theihtawp a an tuamhlawm a ṭul a ti. Peters hian a thu hriatna aṭang camp a mi eng emaw zat an thi tawh a, an thihchhan pawh pandemic vang nilo in rilṭam lutuk vang a ti a, North Korea ramchhung ah chuan Covid Situation chu “gravely serious” a ti bawk.

Peters bakah Pastor David Lee, North Korean defectors, Seoul thawk in South China Morning Post hnen ah Kim rorelna ah hian North Korea hian Coronavirus chu ‘ghost disease’ tia koh a ni a ti meuh mai.

Lee chuan virus vei te chhui a a darh zel tur titawp turin testing kits a awm mumal lo a,symptom nei a langchhuak te chu in ah khung hrangin chaw leh thil dang pawh pek an nilo a, thi tur in an kalsan a ni ringawt zawk. South Korean human rights activist hming tarlan loh pawn North Korean authorities ten Covid19 Victim ruang an hal ral nual tawh tih a sawi bawk.

North Korea hian border an khar vangin Pandemic vang hian economy ah harsatna lian tak an tawk reng tak tak nge ni dawn. Kim lah in 75th anniversary of the Democratic Workers’ Party of Korea a thu a sawi ah an ram chu ‘coronavirus free’ a ti a, WHO pawh in engmah North Korea hian Covid19 Case report an neih loh thu hi a sawi ve leh bawk.

DM