Mizo Elite News hi ṭha i tihzawng a nih chuan min lo Follow dawn nia

North Korea Hruaitu Pa Kim-a Dinhmun A Ṭhalo, A Farnu Hnenah A Thuneihna Hlanchhawng

North Korea ram chhung chungchang hi chiang taka puan hi a har. An hnaih lawk a awm South Korea te pawh in an hre chiang fak hleithei bik lo.

Coronavirus chungchang ah lah nise khawvel ram in an buaipui mup mup laiin case nei ang pawh in an langchhuak lo a, an ram chhung chungchang ah hi chuan “an ti” tih deuh chauh hi hriat theih awmchhun a ni ṭhin.

North Korea hruitu lu ber Kim Jong Un chu tunah hian nikhawhrelo in a awm mek thu a richhuak leh tawh a. Kim-a hriselna dinhmun chungchang hi South Korean diplomat, Chang Song-min chuan a puang a. Tun ah hian Kim Jong Un hriselna dinhmun hi a ṭhalo tak zet a ti.

Chang Song-min hian Kim hi comatose state in a awm mek a, a hnuk erawh a la chat em loh thu a sawi. Hei vang hian a thuhneihna te chu a farnu Kim Yo-jong, 33 hnenah hlanchhawn a ni tih a sawi tel bawk.

Chang Song Min hi late-South Korean president Kim Dae-jung nen khan inhnaih tak an ni bawk. DPRK te chuan Kim-a hriselna chungchang hi an zep a ti. Comatose state a a awm thu hi a chian hmel viau

Kumin ah Kim hi vantlang hmuha a inlan hmuh tur a khat avangin a hriselna chungchang ah pawh hian sawi a tam ṭan. Chang Song Min chuan Kim-a government meeting a telna thlalak North Korean media in a phochhuah te chu a sawisel a news agency Reuters pawhin thlalak hi a identify thei lo.

Kar liamta khan a unaunu hi second-in-command ah a hlankai thu sawi a awm tawh bawk. April thla ah Kim hi a lung (heart) lam ṭhat loh vangin thi leh dam karah a awm thu a thang chiam tawh a, a thih thu hialin news site hrang hrang a luah hneh hle. Mahsela May thla ah state media te chuan Kim Jong Un an fertiliser factory hawnga ribbon a chepchat lai thlalak an phochhuak ve leh a, a thih chungchang thuthang chu dawt an ti leh a ni. Thudik ber pawh hriatthiam a har ta hle.

DM