Mizo Elite News hi ṭha i tihzawng a nih chuan min lo Follow dawn nia

North Korea Hruaitu Kim Jong Un A Thih Thu Hi Dawt Tiin South Korea Lam An Ṭawngchhuak Ve Leh

Hripui len karin leh lamah North Korea hruaitu hriselna chungchang ah ri a tam a, hmun ṭhenkhat ah te phei chuan thi angin an vuiliam tawh hial a ni.

Kim Jong Un thihna chungchang thu leng mek ah a ṭhenawm ram South Korea lam an rawn ṭawngchhuak a. North Korea Leader thih thu hi dawt niin a ka a ang ve leh ta.

Hong Kong Television lam phei chuan Kim Jong Un thih thu ah hian Source rintlak tak kan nei tia ṭangin a thih thu hi huai takin an puang tawh. South Korea a foreign policy adviser, Moon Chung-in chuan Kim-a chungchang ah ‘kan ṭhenawm pa hi a thi reng reng lo. A dam ṭha. April 13 aṭang in Wonsan area velah a cheng” tiin CNN te a hrilh a ni.

A hriselna dinhmun leh a thi tih a rawn thanchhuah ṭanna pawh a pu piancham a a inlan loh vang a ni. North Korea hun pawimawh ber a pu 108th birth anniversary events ah a tel lo a. April 15 kha an ram Event pawimawh tak a ni a, Kim Jong Un pawh hian an ram a thu neihna fawng a vawn aṭang in a hmaih ngai lo tih theih a ni. Kum danga a hmel hmuh ṭhin kumin a inlan tak loh vang hian sawi a rawn hlawh ta hluai. North Korea lam lah an pu chungchang thuthang ah hian ka a ang duh der silo.

IT