Mizo Elite News hi ṭha i tihzawng a nih chuan min lo Follow dawn nia

North Korea Hruaitu Kim Jong Un A Thi Lo, Vantlang Hmuh Ah A Inlan?

“A thi” leh “a thi lo” tih inkarah a leng vel mek a. Media hrang hrang in a thi tiin vawi tam an chhuah tawh. Video hialin a ruang ni awm te thehdarh a ni bawk.

Mahsela North Korea Leader, Kim Jong Un chu ala thi lo a ni tih The North’s official Korean Central News Agency chuan an rawn puang ve leh a, a finfiahna turin a thlalak tharlam ber khawvel a chhawpchhuah sak.

The North’s official Korean Central News Agency in a tarlan dan ah chuan North Korea hruaitu Kim Jong Un chu nimin (May 1) Zirtawpni khan Sunchon ah fertiliser factory hawngin Ribbon chep chat tu a nih thu a tarlang.

A ti fiah turin Korean Central News Agency hian Kim-a Ribbon chep chat lai ngei thlalak hi tukin khan a phochhuak zui nghal. Fertiliser factory hawnna ah hian amah bakah Senior Official te leh a unaunu Kim Yo-jong pawh an tel a ni awm e.

Report hi a dik ngei a nih chuan ni 20 hnu a vantlang hmuha a inlan leh na hmasa ber a ni thei a, mahsela Kim-a hian Factory hi a hawng ngei em tih hi fiahna tak erawh a la awm lo a, an la nemnghet thei lo.

Kim Jong Un hi hriat ṭheuh angin Lung lam zai a tawh vangin a hriselna ngaihtuahawm nia sawi a ni a, April 15 a a pu Kim Il-sung piancham a inlan loh aṭang phei kha chuan a dinhmun hi rinhlelh a ti zualkai a a chanchin hi khawvel in a ngaihven viau a ni.

SCMP