Mizo Elite News hi ṭha i tihzawng a nih chuan min lo Follow dawn nia

Nitin Inhlawh Chawp A Ei Zawng Thin Fapa Chu NEET Tha Taka Zo In An Khua Atang Doctor Hmasa Ber A Ni Dawn

I tum ah chiang la, i tum hlen ngei turin bei bawk rawh. Hlawhtlinna kawng hi a awlsam ngailo a, harsatna hrang hrangin a tlakbuak chung pawh a beidawng lova bei tang tang tu ten a tawp ah hlawhtlinna an hmu thin.

Barmer, Rajasthan a thingtlang khaw pakhat Kamthai village of Sindhari tehsil a mi Dudharam hi chhungkaw harsa tak atanga chawrchhuak a ni. Nitin inhlawh a kawla ni chhuak chhiar a ei zawng thin fapa niin Medical Entrance Examination NEET (UG) 2021 ah khan 720 ah 626 marks a hmu a, All India Rank ah 9375 a inhlangkai.

Dudharam hi an khua Kamthai Samdari in MBBS zirlai an neih hmasa ber tur a nih bakah Doctor hmasa ber a ni dawn ta a, a suangtuahna puitlin tura a zinkawng erawh a awlsam lo. A zawn in NEET exam hi kum 4 lai alo bei tawh.

2018 khan coaching vel engmah kal lovin mahni a inzirin 440 marks a hmu. A kum leh 2019 ah bei leh in 558 marks a score a. Kota panin a vawi 3 exam beihna tur hian a inbuatsaih leh a Allen Career Institute ah admission la in NEET 2020 ah khan 593 marks a hmu a, All India Rank ah 23082 a ni.

Dudhuram chhungkua hi an khawsak a harsa hle a, chhungkaw member 5 niin sum leh pai lam ah harsatna namen lo an tawk. A pa leh a unaupa te chu nitin inhlawhchawp in construction areas ah hna an thawk. Heng bak hi sum luhna dang an nei lo. A nu leh pa te hi ziak leh chhiar an thiam lo hrim hrim bawk a ni. An khua ah hian chenna in 250 vel chauh an awm a. Electric leh tui ah harsatna tawk in nikhat ah darkar 5 – 6 vel bak electric an hmu ngai lo a ni.