Mizo Elite News hi ṭha i tihzawng a nih chuan min lo Follow dawn nia

Nitin Darkar 13 Protective Gear Vuah Ṭhin Nurse Chuan Midang Te Chu A Hmai En Tura Ngenin Nurse Te An Puih Theihna Chu In A Awm A Ni A Ti

A hmel hi en la i khawngaihin i lainat em. An hna chelh hi thil namai lo tak a ni a sin. Mahse khawvel erawh chuan heng mi chhuanawm tak tak te hi hmelṭha a ti hle thung.

Intensive care nurse pakhat chuan Online ah a thlalak a rawn phochhuak a. Protective gear a vuahna ah a hmai chu mark chiang tak lang in hmuh pawh a hrehawm lam zawk hial a ni.

He nurse chhuanawm tak hi East Retford, Nottinghamshire a mi Aimée Goold a ni a, a thlalak hian Facebook ah Comment leh Share tu sang chuang a dawng hman.

Doncaster and Bassetlaw Teaching Hospital ah Covid19 damlo enkawl hian 65-hour weeks a thawk. Nitin darkar 13 lai a hmai a protective gear a vuah vangin a hmai hi tihian a vuahna hnu hma mark hi a lang ta a ni.

A thlalak ah hian Caption ah tun Easter lo thleng tura chhuah i tum chuan a hmai chu hre reng turin a chah a, ‘hei hi ICU nurse hmel a ni a, a tak tak a ni. I chhungkua te nunna chhan tura penchhuak, i chhungkaw member zinga mi boral an mal loh nana an hun hnuhnunga an kut lo vawn sak tu” tih ten Caption ngaihtuahzui tham tak a siam.

An khawngaiha an lainat ve te a nih chuan Easter weekend ah mite chu chhuak lo a social distancing rules ngai pawimawh turin a ngen lawm lawm a, in lama tawm chu NHS te an venhim leh puih theih dan a ni a, nunna an chhan theih dan kawng a nih thu a sawi.

Aimée hian damlo a enkawlna lam ah a chhungte nen pawh thla chuang dawn an inhmu tawh lo. Damlo te chu an chhung te tlawh phal sak an nih loh vangin an hun hnuhnung ah an kutah chelh in alo dawm hlum ziah ṭhin a ni.

DM