Mizo Elite News hi ṭha i tihzawng a nih chuan min lo Follow dawn nia

Nimin a boral Sidharth Shukla bialnu hnem zawh rual lohin a mittui a tla

Nimin September 2 a Heart Attack vang a boral Actor, Sidharth Shukla thihna chuan India ram a luah hneh hle a, milar tam takin an ui thu tarlangin thlahna hun an hmang.

Sidharth Shukla boral thu puan a nih rual khan Sidharth thian te leh a fans ten an ngaihven hmasak ber chu Sidharth bialnu Shehnaaz Gill engtin nge a awm ang tiin a dinhmun an ngaihtuah hle hlawm a ni.

Shehnaaz Gill hi Sidharth nen Show hrang hrang a an inlan dun hnu ah an inngaizawng ang a sawi an nia, mahse an mahni chuan nemnghehna an nei hran lem lo. Fans te chuan an pahnih koh nan hian Sidnaaz tiin an sawi thin.

Sidharth thihna hi Shehnaaz hian a tuar hle tih thlalak thar tihchhuah atang a hmuh theih. Mumbai a Sidharth Shukla chenna in pawn lam ah damchhunga thlahliam tura Car chhunga a chuan lai chuan dan zawh rual loh in lungchhe takin a tap a, a bulah a unaupa Shahbaaz chuan a zui tel bawk.

An pahnih hian ‘Bigg Boss 13’, atang hming an chher dun hle. Hun an hmang dun hmuh an nih fo avangin an inkawp anga ngaih nghet hmiah an ni. A boral hma pawh khan Mumbai airport ah hmuh an ni a, Goa ah New Year an hmang dun bawk. Tin, music video pahnih ‘Bhula Dunga’ leh ‘Shona Shona’ ah an inlan.

Sidharth inlanna hnuhnung ber chu reality shows ‘Bigg Boss OTT’ leh ‘Dance Deewane 3’ ah te a ni. Report thenkhat te tarlan dan in Sidharth a boral khan a kiangah Shehnaaz hi a awm ve reng tih an sawi.