Mizo Elite News hi ṭha i tihzawng a nih chuan min lo Follow dawn nia

Nikki Bella Leh Artem Chigvintsev Te, An Fapa Nen Chhungkua A Christmas Card Hmasa Ber

Hunpui nghahfak Christmas pawh a herchhuak leh dawn tawh a, Holiday Season ah hian khawthlang lam te pawh hri leng karah  phak tawkin an inbuatsaih nasa chho tawh khawp mai.

Total Bellas star, Nikki Bella, 37 leh a pasal hual ‘Dancing with the Stars’ pro Artem Chigvintsev, 38 te chuan an fapa thla 4 mi Matteo te nen chhungkua a an Christmas card hmasa ber chu an rawn phochhuak e.

Thlalak ah hian Nikki Bella hian Red Gown nalh leh langsar zet a inbelchhuak a, a thuamhnaw hak nena inchawih mawi tur takin a pasal hual hian thuamhnaw dum vek a inbel thung. An fapa Matteo pawh hmuh loh karah a changkang chak khawp. Kumin hi chhungkua a an Christmas hmanna hmasa ber tur a ni nghal.

Nikki leh Artem Chigvintsev te hi nupa dik tak erawh la nilo mahse an fapa enkawl kawngah a tan hian nu leh pa an tling hle. Tunhnai khan inthen thut thu hla ah an fapa enkawl dan tur chungchang te pawh an lo sawi dun a ni.

Nikki Bella hi John Cena nen hun rei tak an inkawp tawh hnu in an inthen thut a, Artem nen hian an intawng. July 31 khan an inhmangaihna rahchhuah atan fapa Matteo hi a piang a, a unaunu Brie Bella nen an fa neih hun a inrual hle bawk. Nikki Bella fapa neih hi a kawppui hlui John Cena ngei pawh in thinlung taka a lawmpui zia alo hrilh tawh a ni.

People