Mizo Elite News hi ṭha i tihzawng a nih chuan min lo Follow dawn nia

Nike ten Mason Greenwood nen an inzawmna an chhu chat fel tawh

Khawvel huapa brand lar leh hming thang Sportswear giants, Nike te chuan kum 20 a upa footballer Mason Greenwood nen an inzawmna chu chhu chatin an sponsors tihtawp a nih thu tarlan ani.

Greenwood hi tunhnai mai khan a bialnu hlui a sawi kum 18 a upa zirlai chu kutthlak leh pawngsual tu a puh a ni a,a bialnu hlui Harriet Robson hian Social Media kaltlangin Mason Greenwood an kut a thlak na lam a hliam a tawrh te chu a phochhuak a, audio te pawh a dah tel bawk ani.

Hetia puhna a dawn hnu hian Mason Greenwood hi a career in nasa takin a tawrh phah a, thil hrang hrang ah ensan a hlawh chho nghal. Sportswear giants Nike hian a tirah an inremna hi an suspend lailawk phawt a, tichuan nimin Thawhtanni khan an inzawmna chu an pawt chat fel tih sawiin The Athletic ten Mason Greenwood hi Nike athlete a nih tawh loh thu an dawng.

Jan. 30, Pathianni ah Greater Manchester Police chuan pawngsuala rinhlelh leh hmeichhe kutthlak bakah thah a invauna chungchang ah kum 20 a upa an man tih an puang. Nilaini ah bail a chhuah lailawk ani.

Greenwood hi a Club khelhna Manchester United te pawh in an thuchhuah bawhzuiin Club thil tihna ah an suspend a,a merchandise hralh tur pawh hlih sakin popular video game FIFA 22 ah a hming paih a nih bakah United’s official partners, Cadbury ten marketing products ah an telh dawn lo an ti bawk.

Investigation zawh fel hma chu England lam pawn selection ah telh an ngaihtuah thei lo. Hmingchhiatna a tawh hnu hian a team-mates dang Cristiano Ronaldo, Edinson Cavani leh Victor Lindelof te chuan Instagram ah Greenwood hi an unfollow nghal vek ani.