Mizo Elite News hi ṭha i tihzawng a nih chuan min lo Follow dawn nia

Nick leh Priyanka ten midang chhul hawha fa an neih hnuah Indian Google ah zawn hlawh ber ah an tang

Priyanka Chopra leh a pasal Nick Jonas te chuan midang chhul hawh in an fa hmasa ber an neih thu an puangzar thut a, khawvel an rawn barakhaih hle. An nupa hian Instagram kaltlangin thuchhuah intawm an siam ani.

Nick leh Priyanka ten midang chhul hawh a fa an neih thu an puan rual hian ngaihven tu an thahnem hle. Bollywood Media lian zawk te chuan Indian Google ah Priyanka ten naute thar an neih thu an puanzar hnu khan ‘surrogacy’ awmzia leh naute thlalak chu zawn hlawh ber a rawn nih thu an tarlang ani.

India ram hmun hrang hrang atangin tawng chi thum Hindi, Bengali leh Telugu hmangin surrogacy awmzia chu Google Trends ah a lansarh viau thu an sawi a, how does surrogacy work? what is surrogacy in Hindi? surrogacy in Bengali? leh surrogacy meaning in Telugu? te chu Google in zawhna a dawn tam ber ani.

Midang chhul hawh (surrogate) a fa neih hi thil thar a ni tawh lo a, milar zingah pawh an awm nual. Kim Kardashian leh Kanye West, Shah Rukh Khan leh Gauri Khan, Karan Johar, Aamir Khan leh Kiran Rao, Cristiano Ronaldo bakah midang te pawhin Surrogate kaltlang hian fa an lo nei tawh.

Surrogate hi mawlmang taka hrilhfiah chuan hmeichhe volunteer te nen inremna an neih hnu ah fa an pai sak a, an chi dah kawpin an pai tir thin bawk. Naute chu a rawn pian ve leh fa ah an la ve leh ta thin ani.