Mizo Elite News hi ṭha i tihzawng a nih chuan min lo Follow dawn nia

Nick Jonas, Priyanka Chopra ten an unaunu Danielle Jonas piancham an lawmpui

Milar chhungkaw zingah Jonas Family pawh hi hmuhnawm ber ah an rawn ṭang mek a, inngeih leh inpawh taka thil an han tih ho dial dial tawh hi chuan ngaihven an hlawh em em tawh.

Nick Jonas, Priyanka Chopra te chuan an unaunu Danielle Jonas piancham lawmpuiin Instagram ah thlalak hmuhnawm tak tak an phochhuak.

Danielle Jonas hi Jonas unau zinga upa ber Kevin Jonas nupui a ni a, Jonas chhungkaw mo hmasa ber a ni nghe nghe.

Priyanka chuan a J-sister pui Danielle birthday lawm nan hian an pahnih thlalak post in “love and happiness” tiin a Caption. Thlalak ah hian Priyanka leh Danielle te hian gown var an hachhuak ve ve a,hei hi Grammy Awards sem laia an thlalak niin a lang bawk.

Nick Jonas pawhin Joe Jonas leh Sophie te inneih laia an thlalakdun a tarchhuak ve. “Happy birthday, Danielle. Miss you guys so much.” tiin a wish a ni. Priyanka leh Nick te nupa hi tunah Los Angeles ah an inbengbel tawh.

“Papa Jonas” Paul Kevin Jonas Sr leh brother-in-law Joe Jonas te pawh in Danielle lawmpuina ngaihthlak nuam tak tak an ziak a, a pasal Kevin chuan “hetiang vanneihna hi engtin nge ka tawn bik?” a ti hial.

Jonas chhungkaw mo J-Sister pathum Priyanka, Danielle leh Sophie te hi an inpawhtlang hlawm hle a, an vai hian an pasal Jonas Brothers te an thlawp ṭha ṭhin khawp. Jonas Brothers te a hu ho a Music Industry an lo let leh khan an music video “Sucker” ah an pathum hian an inlan vek bawk a nih kha.

News18