Mizo Elite News hi ṭha i tihzawng a nih chuan min lo Follow dawn nia

Nick Jonas Leh Priyanka Chopra Ten Khawthlang Ram Atang Diwali An Lawm

Diwali lawmna chu India ram chhung mai bakah ram pawn lama India khua leh tui dang te pawh in lawmna an hmang ve zel a, Bollywoo star, Priyanka Chopra leh a pasal Nick Jonas te ngei pawh in Los Angeles a an chenna ah lawm in Laxmi puja an nei.

Priyanka Chopra chuan Diwali puja an neihna thlalak hrang hrang hi a post a, saree eng inbelchhuak in a pasal Nick Jonas hian kurta var ngei mai a ha ve thung.

Nick leh Priyanka te hian diyas leh puja lamps te an chhi dun a, aarti an ti tel bawk. An nupa hian an sakhaw vawn hrang mahse sakhuana erawh in an nupa inkar hi a sawinghing lo.

Tet te atanga an lo kalphung ve reng leh chhungte atang a an chhawm tawh an sakhaw chungchang ah hian an inhrethiam tawn a, midang te pawh in an nupa sakhaw thil an in ngaihhlutthiam sak leh an inzahtawnna hi an ngaisan em em na chhan pakhat a ni.

Priyanka hian a pasal Nick Jonas nen an rinna chungchang a sawichhuah ah chuan Nick nen hian an sakhaw hrang atang a seilian ve ve ni mahse sakhua chu kawng thuhmun zawh tura map a ni a, tumram panna kawng chu a in ang tiin an rinna leh sakhua chungchang ah harsatna an nei lo tih a sawi.

Diwali thlen hma chiah pawh khan urlawkna Mindy Kaling in a huaihawt pre-Diwali bash ah Priyanka hi Lilly Singh te nen an hmang ho. Nick Jonas pawh in Priyanka hi a thil tih ah thlawp in a pasal a nihna ang in a mawhphurhna a hlen tha a, an culture te a zah thiam zia a lo tilang fo tawh thin a ni.