Mizo Elite News hi ṭha i tihzawng a nih chuan min lo Follow dawn nia

Nick Jonas Leh Priyanka Chopra Te Nupa Inkarah Beisei Ruk Thil A Awm

Kar liam ta mai khan Priyanka Chopra hian media leh midang te rilru chawk buai tur takin Social Media lama a pasal hming tawp a tawm pui ‘Jonas’ tih chu a lakthlak vek vangin ngaih a tha lo hle a, an inthen dawn emaw tiin ngaihtuahna a kal thui hman ang reng viau.

Mahsela Priyanka Chopra nu Madhu Chopra chu rawn tawngchhuak vatin a fanu te nupa inkarah eng boruak tha lo mah a awm loh thu leh dawt thu thehdarh zui lo turin a ngen. Madhu Chopra in tawngkam a neih hnu ah Priyanka Chopra ngeiin an nupa inkar a tha tih nemngheh nan leh ‘Jonas’ tih a paih a vang mai in an nupa inkar sawinghin a nihloh zia tihchian nan a pasal Nick Jonas post chu tawngkam thlum takin comment a hnuchhiah bawk.

Tichuan Jonas Brother te show thar Netflix lam a chhuah tur The Jonas Brothers Family Roast ah chuan Priyanka Chopra hian an nupa inkar ah eng emaw thil beisei ruk riau awm niin a sawi ta tlat mai. Show hi Kenan Thompson chuan a kaihruai a, Priyanka tawngkam ah Nick nen an inkarah beisei thil a awm tih a sawi chungchang hian ngaihven a hlawh nghal ang reng hle a, tam zawk chuan fa neih lam a nih an ring fur mai.

Nick leh Priyanka te hi Jonas chhungkua a nupa ah fa nei tawh lo awmchhun an ni bawk. Priyanka chuan he Show ah hian Nick Jonas nena an nupa inkar midang ten an lo ngaihdan te pawh a sawichhuak nual bawk.

Nick Jonas nen an kum inthlauhna chu kum 10 lai ni mahse an inhriatthiam tawn zia a tilang. Peecee chuan 90s pop culture chungchang a hriatloh tam tak a pasal hi a hrilh a, a ni pawhin TikTok hman dan a zir tir ve thung a ti a, an nupa in thil an in zirtir tawn thin a, acting career a hlawhtlinna rahbi kawng zawh thleng a a hrilh thu fiamthu ang reng takin a sawi bawk.

Tin, Priyanka Chopra hi Movie thar ah hmuh a ni thuai dawn a, a channna thar ber ‘The Matrix Resurrections’ chu December thla hian tihchhuah a ni ang.