Mizo Elite News hi ṭha i tihzawng a nih chuan min lo Follow dawn nia

Nick Jonas Leh Priyanka Chopra Te Nupa Inkar Sawi Nghin In A Awm Em Ni?

Bollywood leh Hollywood star, Priyanka Chopra leh a pasal American zaithiam Nick Jonas te nupa inkar ah sawi sep sep a awm a, an inthen hnai em tih chu ngaihven ber a ni chho leh mek.

Priyanka leh Nick Jonas te inkar ah khi chat awm ang a thu a irhchhuah na chhan bul ber pawh November 22 khan Priyanka hian a pasal hming a tawm ‘Jonas’ tia a hming tawpa a hman chu Twitter, Facebook leh Instagram atangin a thai bo vek.

December 2018 a an inneih hnu ah Priyanka hian Social Media platform ah a pasal hming tawm in ‘Priyanka Chopra Jonas’ tiin a lo thlak a ni. Fans te chuan Priyanka in ‘Jonas’ tih a thaibo ta hi an lo hmu rang leh ngang mai.

Fans te chuan heng thil te hi an inthenna tur a bul intanna ni ngei in an ring leh hman a, mahsela Priyanka hringtunu Madhu Chopra chuan a fanu te nupa inkara thuthang awm mek chu thubelhchian dawl lo leh dawt mai a nih thu a sawi chiang a, mite chu dawt thu thehdarh lo turin a ngen zui bawk.

ETimes ten Mumbai a PeeCee thiantha tak an biakna ah thu thang chu dawt a nih thu a lo sawi ve bawk. Priyanka hi tunhnai lawk khan a pasal Nick Jonas nen an chenna in thar ah an insuan lut hlimhlawl a, Diwali te pawh an lawm dun nghe nghe.

Priyanka Chopra hian Film lamah hmachhawp a nei mek a, Keanu Reeves ‘Matrix: Ressurections’ ah inlan dawn in Farhan Akhtar’s ‘Jee Le Zaraa’ ah Katrina Kaif leh Alia Bhatt te nen an chang ho dawn tih sawi a awm bawk.