Mizo Elite News hi ṭha i tihzawng a nih chuan min lo Follow dawn nia

Nick Jonas Leh Priyanka Chopra Te Nupa In Midang Chhul Hawhin Fa An Nei

Khawthlang milar nupa Nick Jonas leh a nupui Priyanka Chopra te chuan rinloh leh beisei loh tak a thuchhuah siamin midang chhúl hawh (surrogate) kaltlanga an fa hmasa ber an neih thu an puang.

Zirtawpni khan Instagram Post kaltlangin naute an neih thu hi an rawn sawi a, naute hi mipa nge hmeichhia a nih tih leh a hming pawh engmah la puan a nilo. An hun pawimawh leh chhinchhiah tlak takah hian an privacy chu zahsak hram turin an ngen ani.

Naute thar a pian thu hriat a nih rual hian thu hrang hrang sawi pawh a tam phah hle. Insiders ten TMZ an hrilh danin naute hi hmeichhia a ni a, Southern California hospital ah Inrinni khan a piang ani an ti.

Nick Jonas te nupa hian a hma atang tawh in Interview an neih ah te pawh fa neih chungchang hi an lo sawichhuak fo tawh a, naute an beisei mek thu erawh hi engmah puanzar na nei hran lovin a rawn pianchhuah ve leh thuchhuah hi an siam ta chauh a nih hmel bawk.

Vanity Fair February 2022 issue ah Priyanka chuan naute neih chungchang chu Pathian khawngaihna changin an la nei ve ngei ang a lo ti tawh a, Nick pawhin nikum khan E! News nen an interview na ah fa neih chu a chak thu a sawi a, mahse a nupui Priyanka hlimna chu a dah pawimawh hmasak thu a sawi.

Kum 2018 December ah Hindu leh Christian dan ang in an innei. Naute thar an neih thu an puan rualin Joe, Kevin; Lilly Singh, Lara Dutta ten lawmpuina an thawn nghal bawk.

Tunah hian Los Angeles ah an nupa leh an ui 3 Diana, Gina leh Panda te nen an cheng mek a, naute thar lo piang nen chhungkua an pung ve leh sawt dawn tihna ani.