Mizo Elite News hi ṭha i tihzawng a nih chuan min lo Follow dawn nia

Nick Jonas An A Nupui Priyanka A Thlir Ning Thei Lo

Hmangaihna hi chu kum inthlauh lutuk lam pawh hi a ni chuang lo. A tifiah turin Nick Jonas leh Priyanka Chopra Jonas te ngei pawh an awm reng a “age is just a number” an tih chu an mahni ah hian a langchhuak zel.

Inrinni liam ta July 18 khan Bollywood & Hollywood Actress, Priyanka Chopra chuan kum 38 a tling ve ta a, a piancham lo herchhuak ah hian a pasal kum 27 a upa zaithiam Nick Jonas hnen aṭang piancham lawmpuina thlum tak a dawng.

Nick Jonas hian a nupui Priyanka Chopra chu a mita mit khap lek lo a chatuana en pawh a lo inhuam a, a nupui chu mi ṭha tak a nih thu leh a tawng chu a lawmzia leh vanneih a intih thu te a sawi.

“I could stare into your eyes forever. I love you baby, You are the most thoughtful, caring and wonderful person I have ever met. I am so grateful we found one another. Happy birthday beautiful.’ tiin Nick Jonas hian Priyanka hi alo wish hnap. Priyanka tan chuan hei aia han lawmna tur chuang dang a awm bik kher lo ang.

Thawhṭanni khan Nick Jonas nu Denise piancham pawh Nick leh Priyanka te hian an lawmsak a, Denise leh Priyanka te inkarah pawh nu leh mo buaina ang chi reng reng engthil mah a awm lo tih a hriat hle bawk.

Nick leh Priyanka te hi December 2018 khan Umaid Bhawad, a formerly royal palace in the city of Jodhpur, Rajasthan ah an innei a, Priyanka hian Nick hringtunu Denise hnen aṭangin $79,500 zeta hlu Van Cleef And Arpels Snowflake bengbeh a lo dawng bawk.

DM