Mizo Elite News hi ṭha i tihzawng a nih chuan min lo Follow dawn nia

Ni Tlemte Chauh A Dam Tawh Dawn Vangin A Bialnu Nen Khum Ah An Innei

Hmangaihna dik tak chuan eng dinhmun pawh tawk dawn se hmachhawn a in huam a, harsatna karah pawh chhel tak in a tuar hram hram thin.

Liverpool a cheng tlangval pakhat University Student, Owen Copland, 20 hi a natna vangin rei tak a dam tawh dawn lo tih Doctor te chuan an sawi a, Owen Copland hian thla 4 liam ta mai khan brain tumour a vei tih hmuhchhuah a ni.

A damkhawchhuahna turin Surgery te an tihsak a mahsela chuti chung pawn a thluak a bawk (tumour) hi a thanglian chho tual tual zel si, Doctor te meuh pawh a lakah hian an beidawng tawh.

Hun tlemte chauh a nei tawh tih an hrilh chuan tuar thiam har a ti tak zet a. A hmeichhe hmangaih tak Sarah Jones nen an inhmu tawh ngai dawn lo tur chu a lung a chhe hle, a bialnu Sarah Jones nen hian kum 2 lai an inzui tawh.

A boral hma ngeia nupui atan neih chu a duhthusam a ni a, a chhungte pawh in a duhthusam hi hrethiam in nupu nei tur hian ruahmanna an siam sak ta a ni. March 8 khan Owen hian an chenna In a khum ah chuan a hmangaih hmeichhia Sarah-i chu damchhung atan nupui ah a lo nei.

Owen hi nikum October atang khan lu na in a awm chho tan a,hetih lai hian University ah final year a zirlai mek a ni. Hrileng vangin a in entir thei lawk lo a, mahse CT Scan an neih sak chuan lu na satliah mai nilovin brain lesion an tih chu alo vei reng zawk a ni.