Mizo Elite News hi ṭha i tihzawng a nih chuan min lo Follow dawn nia

Ni Khat Leka Upa A Fa Chu Enkawl Theilo In A Paih A, Fanghmir Leh Rannung Ten Bawmin Mahse An Chhan Hman

Ril a rah fate hmangaih vanga retheih pui ṭhak lam chu a hlat khawp mai. Khawvel eng hmuh tir te te in a enkawl leh duh bawk si lo.

China a nu pakhat Ms Guo chuan a naute ni 1 lek a upa chu sum harsatna vangin ka enkawl thei lo tia a paih hnu ah a kalsan a, a nu in lam a pan laiin Bridge aṭang a fa hi hnim buk ah alo paih a ni.

Hnim karah hian hmuh a nih hma in darkar 17 zet he naute khawngaihthlak hi hrehawm takin a awm hman a, fanghmir leh rannung thlawk dang ten lo bawm in a hmai ah te an seh bakah a nghawng ah fanghmir an lo awm ṭeuh bawk.

Police officer Pan Xin chuan naute hi an hmuh chuan a chauh hle thu a sawi. Children’s Welfare Institute of Changchun a workers te chuan naute hi Changchun Children’s Hospital ah an hruai a tunah chuan a dinhmun pawh a ṭhat hle tawh thu an sawi a ni.

Chhuichianna ah chuan Ms Guo hian Inrinni zan dar 8 bawr vel ah a chenna in ah naute hi a nei. Pathianni zana a nu in a panna lamah chuan Wukai River Bridge aṭang a fa hi a lo paih ta niin an tarlang. Ms Guo hi Police ten custody ah an hreng a, hremna pek a ni ang.

DM