Mizo Elite News hi ṭha i tihzawng a nih chuan min lo Follow dawn nia

Ni 11 Lai An Indo Hnuah Israel Leh Hamas Ten Inkahhai An Puang

Khawvel in a ngaihven em em Israel leh Hamas te innghirnghona chuan ziaawm lam a pan chho ta a, ni 11 lai mai indona neia an inbeih hnuah inremna a awm thei ta.

Buaina a chhuah atang khan nu nau te an thlabar em em a, mitam tak in an nunna bakah an chenna in an chan. Chawl lova ni 11 inbeihna kalpui a nih hnu ah Hamas fighters leh Israeli Zionists te hi Zirtawpni 2am local time atang khan tiam chin awm lovin inkahhai puan a ni.

He thu hi Hamas spokesperson leh Office of the Prime Minister of Israel Benjamin Netanyahu chuan a nemnghet. Hamas leh Israel te inkar buaina ti ziaawm tur hian Egypt in ban a phar chhuak a, palai ah tangin anni bakah United State leh UN te pawn hma an la.

Netanyahu’s office atanga statement ah chuan Prime Minister Benjamin Netanyahu hian Security Cabinet ten ngun taka an ngaihtuah hnu ah Israel in Egypt te ngenna hi a pawm tih a sawi a, Hamas lam pawn indo zel chu tha an ti bik lo.

Tiamchin awm lova he inkahhai puan hian Zirtawpni dar2 am atanga hman tan tur a ni a, engchen chiah nge boruak hi a reh ang. Media thenkhat te tarlan dan chuan Israel leh Hamas te innghirngho hi inbiakna ringawt a reh ngawt thei a nilo a, inkahhai hian rei a rial an ring lo.

May 10 atang in indo an tan a, 232 Palestinians ten nunna chan in an zinga 65 chu naupang niin 39 hmeichhia an ni. Nunna chan bakah hian mi 1,710 vel an hliam. Israeli Zionist atang thi zat 12 tiin nemngheh a ni a, Hamas rocket beihna ah mi 100 chuang inhliam an awm bawk.