Mizo Elite News hi ṭha i tihzawng a nih chuan min lo Follow dawn nia

NHS Nurse Chuan “Min Thih Tir Suh U” Tiin Healthcare Staff Te Chu A Ngena A Fate Vanga Dam A La Ngaih Thu Hrilh

“Min thih tir lul suh u” tiin NHS Nurse chuan Healthcare Staff te hnen ah a ngen tak meuh meuh in a ngen a, a dinhmun chu a ṭha lo hle a ni tih a hria a, nunna chan mai thei ah a awm tih a hai lo.

Kelly Ward, 35 hi NHS Nurse niin Covid19 damlo te enkawl in a hun a hmang ṭhin a, Nurse hna hi kum 12 lai chu a lo thawk tawh. Hetia hri kai te an sawngbawlna lam ah hian hripui hi a lo vei ve reng a lo ni.

April 19 a in lama a inkhalh haw hnu aṭang a nuam lo ṭan. Thlanfim in a bual a, thawk lamah harsatna a nei tih a sawi. Hemi hnu hian a kawppui Ryan Golding, 34 nen damdawiin ah Test an nei a, hri hi alo positive ngei tih nemngheh a ni.

Healthcare Staff te chuan enkawl zui nghal in Ms Ward hi oxygen an vuah tir a, cardiac monitoring in A&E’s high dependency unit hialah hun a hmang. Thawk lam a ṭanpui turin CPAP machine vuah tir a ni bawk.

Ms Ward hian a fate bakah a chhungte leh a ṭhian te a hmu tawh lo ang tih a hlau em em a, Staff te hnen ah chuan “min thih tir lo hram rawh u” tiin a fate enkawl an la ngaihzia leh a la thlakhlelh thu a hrilh. Kelly Ward hian fa pahnih a nei. A dinhmun hian ziaawm lam a pan chho ve hret hret tawh bawk.

DM