Mizo Elite News hi ṭha i tihzawng a nih chuan min lo Follow dawn nia

NHS Nurse Chu A Chenna In Pawn Ah Vihhlum Niin A Pasal Man A Ni

Coronavirus in min chiah hneh mek laiin Virus vang ni lovin chhan dang vangin Nurse chungah thil duhawm lo tak a thleng leh ta.

Kum 31 a upa fa pawh 3 nei tawh NHS Nurse, Victoria Woodhall chu Middlecliffe, South Yorks a a chenna in pawn ah vawi tam vih niin a nunna a chan phah.

He thil thlen lai hi Covid 19 lockdown kalpui a nih lai mek a ni a, na tuara a ṭe thawm hi a ṭhenawm a awm chuan a lo hria. A pasal former soldier, Craig Woodhall chu pawikhawihtu nia tarlan a ni.

Thil thlen hnu hian a fate a tlanchhiatpui a, a hnu ah hian man a ni ta tho. Naupang te hian hliam na engmah an tuar lo bawk.

Craig Woodhall hi Victoria Woodhall nen hian thla 7 liam ta mai kum kal ta September thla a innei chauh an ni. Police, paramedics leh Yorkshire Air Ambulance te chu thil thlenna hmun lam pan mahse Victoria nunna erawh chhan theih a ni tawh lo a a boral thu an puang.

Craig hi Custody ah hren a ni. An ṭhenawm te sawidan in Craig leh Victoria te hian an inkarah buaina an nei fo a, an awm hran phah hial thu an sawi. Victoria hi Rotherham General Hospital a Nurse hnathawk lai a ni.

DM