Mizo Elite News hi ṭha i tihzawng a nih chuan min lo Follow dawn nia

Neymar chuan mittui nen Pathian thu a auchhuahpui

Infiamna ah chuan Game a nih ang takin pakhat zawk zawk an chak ngei a ngai a, nizan 2020 UEFA Champion League final ah pawh khan pakhat an hlim laiin lehlam an ngui a ṭul thung.

Khawvel in a thlir ṭhup a, inkhel pawh a hmuhnawm hle. Mahsela PSG zawk vanduai ah ṭangin Bayern Munich lakah 1:0 in an tlawm.

PSG lama an khai pa ber Neymar pawh lunghnur tak in hun a hmang a, mittui tla a a indawm kun lai pawh kan lo hmu ṭheuh hlawm ngei ang.

Rilru na in a mittui tla mahse an chaklohna erawh pawm dan a thiam tlat thung. Infiam mi a nih zia tilang in Instagram ah puitling takin post a siam a ni.

Neymar hian lunghnur taka a indawm lai chu Instagram ah post in , Caption ah chuan Bible chang 2 Timothy 4:7 thu a rawn hmang.

“Intihsiakna ṭha chu ka bei zo tawh a,ka tlansiakna chu ka hlen tawh a,rinna chu ka vawng reng tawh a ni” tiin post a siam a ni.