Mizo Elite News hi ṭha i tihzawng a nih chuan min lo Follow dawn nia

New Zealand Tan Zalenna Kawl A Eng Ta

Khawvel ram hrang hrang in hripui Covid19 an buaipui mek zel a, India ram pawh a ni tel in a pung chho zel bawk.

Hetih lai hian New Zealand tan chuan hripui lak aṭanga zalenna kawl a eng thung a ni.

New Zealand chuan Covid19 kai an neih tawh loh thu vawiin ah chanchin lawmawm tak mai an puangchhuak a, Active Case an neih loh thu an puan hnu hian Prime Minister Jacinda Ardern chuan naktuk hian an ram inkharkhipna kalpui coronavirus restrictions chu phelh a ni dawn tih a puang zui nghal bawk.

Schools leh workplaces te pawh “level 1” rules thar hnuaiah hawn leh a ni ang. Mihring punkhawm theih zat ang bithliah pawh a awm tawh rih dawn lo.

New Zealand hian ni 17 liamta aṭang Positive Case hi an nei tawh lo a, ni 12 liam ta aṭang damdawiin a Covid19 treatment dawng an awm tawh lo bawk a ni.

Hetia inkharkhipna thlahdul a nih lai hian ramri border control erawh chhunzawm zelin venhimna uluka kalpui ani ang. “Virus hi engtik ah emaw lo la lut leh thei reng ani” tiin inven fimkhur zual sauh a ṭul a ti.

February 28 khan New Zealand hian Confirm Case hmasa ber an nei a, hrivei hi hmasawn zel in 1,504 confirmed cases leh mithi 22 an nei hman. Johns Hopkins University’s in a tarlandan in he thu buatsaih lai mek hian khawvel pum ah Coronavirus vei hi mi maktaduai 7 chuang an awm tawh.

CNN