Mizo Elite News hi ṭha i tihzawng a nih chuan min lo Follow dawn nia

‘New Year’s Eve Party’ ah Miley Cyrus in a thuamhnaw inbelchhuah ah buaina a tawk

Kum hlui thlah zan Dec.31 a Miami a NBC Friday night ‘New Year’s Eve Party’ neih zawh takah Miley Cyrus leh Pete Davidson ten Show an rawn kaihruai a, Miley Cyrus chuan stage ah perform na hun a hmang zui bawk.

Kum 29 a upa Miley Cyrus hian Stage a a hla hit zet ‘Party In The USA’ a sak lai chuan a thuamhnaw inbel ah harsatna a tawk palh hlauh a, wardrobe malfunction in kum thar 2022 bul a rawn tan a tih theih e.

A zai lai hian a kawr hak shimmery top chu a rawn tla fual ta thut mai. A lang lo tur lai chen chen a lang hman lo chauh tihah a kawr chu a thamkhawm deuh hmiah a, a zai laklawh lai pawh chu chawlin stage hnung lam a pan thuai.

Backstage a a thuamhnaw a chinfel lai mek hian a backup singer te chuan an lo zai chhunzawm sak a, blazer rawn ha chhuakin a Perform chu a rawn zawm ve leh nghal.

Wardrobe malfunction a tawh hnu ah a hla sak chu a thu her danglamin “Get to the club in my taxi cab / Everybody’s definitely looking at me now.” tiin a rawn thlak ta daih bawk.

Miley in a thuamhnaw haka buaina a tawh hi Social Media ah a lar zui hle a. Mipui tam tak hma a hetiang thil a tawn hnu ah pawh engmah thleng lo ang maia a Perform zawm thei chu a professional zia tilang tu a ni e tiin fans ten an fak hle zawk ani.