Mizo Elite News hi ṭha i tihzawng a nih chuan min lo Follow dawn nia

Naya Rivera Thih Chhan Hriat A Ni Ta

‘Glee’ star, Naya Rivera ruang chu hmuh a ni tawh a,a thih chhan uluk leh chiang taka endikna an neih hnu ah a thihchhan hriat a ni tawh.

Kum 33 mi Naya Rivera thih chhan ah hian vanduai vanga chesuala tuia tla a boral ngei a ni tih California Official lam chuan an puang.

“A boral chhan hi vanduai vang liau liau a thleng a ni” tiin Ventura County’s Medical Examiner chuan a sawi a, zu leh ruihhlo vel engmah he a thihna ah hian inhnamhnawih a awmlo, a Accident vanga tuia tlahlum a ni tih hi an chian ta a ni.

Rivera hi kar kalta Nilaini khan a fapa kum 4 mi nen Lake Piru ah boat trip neiin an chhuak dun a. Heta ṭang hian chin hriat loh in a bo.

A fapa hi lawngah hian him dam taka hmuh a ni thung a, Rivera hian a fapa nunna hi chhanhim mahsela a nunna erawh a inchhanhim hman lo. A bo aṭanga ni 5 hnu ah a ruang hi hmuh a ni ta a ni.

Rivera ruang an hmuh ni hi Glee co-star, Cory Monteith thih aṭanga kum 7 na chiah a lo ni ve leh zel nghe nghe a. Rivera thihna hian Glee star dang leh a chhungkua mai bakah khawvel hmun hrang hrang a a fans te a ṭhawng hle.

Glee ah khan Rivera hian Santana Lopez anga role la in heta ṭang hian mitam tak in an lo hmelhriat chhohna a nih phah bawk.

TOI