Mizo Elite News hi ṭha i tihzawng a nih chuan min lo Follow dawn nia

Naya Rivera Ruang Hmuh A Nilo Mai Thei Tih Police Ten An Sawi

Glee star, Naya Rivera hi July 8 khan a fapa kum 4 mi Josey nen Lake Piru ah boat ride an neihna ah chuan chin hriat tur awm lovin a khuangcher bo ringawt a, tuiah a tla a nih an ring ber.

Hetih lai hian a fapa Josey erawh lawngah him dam taka hmuh a ni thung a, Rivera te nufa hian lawng hi hun tiam chhunga hman atan hawh an ni a, mahsela an hun tiam ai bak an hman vangin thil awmdan thlithlai tura an ngaihven chuan vanduaina thleng hi an hriatchhuah phah.

A fapa chuan a nu nen hian tui an cheng a, a nu hi a let ve tawh loh thu a sawi a mipa naupang mai a nih vangin thil thleng hi chiang taka zawh hleihtheih a nilo.

Tuiah hian a tla ngei tih chu an rindan a ni. A ruang zawngin tuipui ah hian Police leh diver lam te chuan hmanraw hrang hrang nen Rivera hi zawn hna an thawk zel a tun thleng erawh in hmuh ala ni lo.

Rivera zawnna kawngah hian beisei pawh a bo khawp mai a Police lam pang te pawh zawn dan turah an rilru a buai. Rivera ruang hi an hmuh loh mai theih thu an sawi.

Ningani khan Presss Conference neih a ni a, Ventura County Sheriff’s Office chuan authorities ten ruang hi an hmuh theih loh mai theih thu a sawi.

A tlakna lai nia an rin zawn bawr hi hnawmhnawk tamna thing leh hnim ilo vel awmna alo ni kher bawk a. Hei hian zawn hi a ti harsa zual a. Sergeant Kevin Donoghue chuan tuihnuaiah hnawm hnawk ten an dang anga a ruang hi chunglama lang theilo in an awk palh a ni thei tih sawiin Diver te tan pawh an zawnna hmun hi a him lo viau a ti a ni.

Hetih lai mek hian mi ṭhenkhat te erawh in Naya Riveira chetsualna velah Glee anchhia “Glee Curse” tiin an lo sawi ve nasa hlawm bawk a, Glee star te zingah vanduaina tawk an lo awm nual tawh vang a ni.

ET