Mizo Elite News hi ṭha i tihzawng a nih chuan min lo Follow dawn nia

Naute Thla Khat A Upa Chu Tui Bawlhhlawh Luan Khawmna Ah Hmuh A Ni A, A Chanchin An Hrechiang Zet Chu Rilru A Khawih Hle

Mirror in a rawn tarlan dan in Philippines rama Laguna province ah chuan Jefferson Nazareno tia koh chuan lei (bridge) hnuai a tui bawlhhlawh luankhawmna ah naute thla khat mi chu a hmu.

He naute hi cardboard chungah a lo mu a, Jefferson Nazareno hian September 21 a a chenna in lam pan a a haw na ah chuan a hmu a ni. A thiante leh tualchhunga midang te chu a thil hmuh hrilh in a pun nghal thuai bawk.

Naute chhar a nihna hmun ah hian Calamba Department of Public Order and Security (CCPSO) a staff te chu an thleng a, a nu leh pa te chanchin an hriat chuan khawlai ah pangpar thi an lo zuar thu an sawi.

“Pipe chhungah chuan tu emaw mu hi ka hmu a, a tirah tak phei chuan naute lem satliah mai ah ka ngai. Mahsela a awmna hmun ah hnai zawka ka en hnu chuan naute alo ni reng mai” tiin Mr. Nazareno chuan a sawi.

Heti lai bridge hnuai ah hian naute leh a nu leh pa bakah hian midang pawh an khawsa thin tih hriatchhuah a ni leh zel a. Chenna in an neih loh vangin bridge hnuai ah hian an cheng a lo ni.

An dinhmun khawngaihthlak tak an hriat hnu ah local social welfare center ah hruaiin ei tur leh thil dang te an pe. Naute nu chuan chenna tur an neih loh vangin tuichhia luanna Pipe ah hian an khawsak thu Staff hnen ah a hrilh.

Calamba Chief of Security and Public Order, Jeff Rodriguez chuan naute, amah chauh a tui Pipe chhunga a mu chu thil hlauhawm tak a nih thu a sawi a, ruah lo sur ta se naute hi tui hian a lenbo mai dawn a ni a ti. CCPSO staff ten helai Bridge hnuai a khawsa an awm tawh loh nan an khuahkhirh zui nghal bawk. Naute leh a chhungte hi social welfare department ten enkawl in an tuamhlawm a ni.