Mizo Elite News hi ṭha i tihzawng a nih chuan min lo Follow dawn nia

Naute Thla 6 Mi Covid19 Vei Kha A Dam Tawh A Sin

Hnuk te pawh a ulh thei dawn a lawm le. Naute kum em pawh la tling lovin hripui an vei hi chu an khawngaihthlakawm leh zual bik.

Miracle Baby tia an phuah naute thla 6 mi hripui Covid19 vanga dahhran chu hripui a hneh hnuah isolation aṭang nawrchhuak in hetih lai hian Nurse leh Doctor ten lawmpuina tan lo line in kut an lo ben sak hlawm.

Thla 6 mi Erin Bates hi khawvel pum ah pawh hripui vei naupang ber pawl ah a ṭang a, Liverpool a Alder Hey Children’s Hospital ah ventilator vuahin windpipe nena hun a hmanglai thlalak te pawh a darh nasat kha.

Hospital a indahhranna isolation ah ni 14 zet hun a hmang hman. Staff ten enkawlna an pek hnu ah test an neih leh chuan a negative a isolation aṭang hian an innawrchhuak ta tih Hospital lam hian sawiin Social Media ah video nen an phochhuak.

https://youtu.be/76HSGL0IEh4

Erin hringtunu Emma pawh in an fa an enkawl dan ah Hospital chungah hian lawmthu a sawi mawlh mawlh a. “In tello chuan he hun hi kan thleng thei miah lo ang. In chungah kan lawm hle a ni” a ti ve hial. Erin hi hripui a vei hma hian nikum December khan open heart surgery a hmachhawn tawh bawk a ni.

DM