Mizo Elite News hi ṭha i tihzawng a nih chuan min lo Follow dawn nia

Naute Karhnih Mi Chu A Nu In Covid Avang In Boral San

He naute nu Pi B.Lallawmzuali hi May ni 19 khan covid a positive avangin ZMC ah rai chunga dah luh a ni a. A neih hun hma in damdawiin ah nau a vei ta a, tichuan a nunna a tana pawi thei nia an hriat avangin May ni 22 khan an zai chhuak ta a ni.

An zaina lamah thisen a hloh nual a, hei bakah thawhah a neih tel avangin Oxygen leh ventilator hmanga thawk tir a ni a, tin a taksa ah hian covid symptoms a lang bawk si a a natna tawrh hi a thuah hnih khawp mai.

A natna chuan ziaawm lam a pan hlei thei meuh lova, tichuan vanduaithlak takin zanin dar 9:30pm vel khan ZMC ah a na tuar lovin a fanu karhnih mi leh a pasal fanau te chu chatuan ram alo pansan ta a ni.

A fanu karhnih mi chu a covid ve lo hlauh a, tunah hian an veng Ramhlun South a nula tlawmngai Lalremruati’n a lo enkawl mek a ni.

A pasal hi vai rama hna thawk tura kal a ni a, mahse a nupui a hetih tak avang a lo haw a, a in quarantine zawh hnuah an fanu pakhat chu alo covid ve leh avangin chumi awmpuiin CCC ah an pafa chuan awm mek a, an chhungkua hi an lainatawm khawp mai. I tawngtaipui na an mamawh takzet e.

Zo Inspiration