Mizo Elite News hi ṭha i tihzawng a nih chuan min lo Follow dawn nia

Naute Chawlhkar Khat A Upa Chu Bag Chhungah Khungin Khawlaiah A Khai

Dim dawi taka enkawl chhoh hun lai tak a la nih laiin nu chuan a fa chawlhkar awrh chauh a upa chu Bag chhungah khungin khawlai ah a khai in a khai chhuak a ni.

Kum 29 mi he hmeichhia hi a hming tarlan a nilo a, Ukraine a Kiev a thleng a ni tih erawh an tarlang. A bul hnaiha mite sawi dan in Bag khaia zai in khawlai ah hian a kala, a naute hi Bag chhung aṭang a rawn ṭapchhuak.

“A chetdan kha a mak danglam hle. Ka en reng a, naute ṭap ri ka hria a. A hnu lawkah naute chu a Bag aṭanga ṭapchhuak a ni” tiin Witness pakhat chuan Local media te a hrilh.

“A hnen ka pan hnu ah a bag chu en ka dil a. Mahsela rang takin a theihloh thu in min chhang let. Police te hnen ah chuan thil thlen dan chu ka hrilh ta nghal a ni” a ti.

Officer te chuan a bag chu ensak in a chhung ah naute chu a lo awm ngei bawk. He nu hian police te hnen ah chuan naute chu a ṭhat thu leh a dam thu a sawi chul bawk a ni.

A landan mai aṭang erawh a ṭhat hmel loh. Naute mai ala ni a, Bag chhungah hian thawk la hleithei lo in a awm tlat. Chuta karah Jacket in a tuam a, thlan in a ti hnawng hle a ni.

Thil thlen lai hian temperature hi 30С (86 F) te a ni. Police ten naute hi car hnung lama seat ah an mut a, a hriselna enfiah turin ambulance lam an ko bawk.

A fa chawlhkar khat a upa Bag chhunga a dahchhan a sawi chuan naute awmna tawlailir (pram) a neih loh vang niin a sawi. Fa 6 nei tawh a ni a, Odessa aṭang hnathawh tur beiseiin Kiev ah hian a khawsa a ni.

DM