Mizo Elite News hi ṭha i tihzawng a nih chuan min lo Follow dawn nia

Nausen Elizabeth-i Thla 8 Mit Cancer Chanchin, Harsatna Karah Isua Nen

Mizo ṭawng upa chuan “piansual in tlai luat a nei lo” a lo ti a, he thil hian tlai luat a neilo mai nilovin thliar bik pawh alo nei hauh lo mai.

He nausen hi Pu C Lalhmingmawia leh Pi Lalfakzuali (Mafaki) te fa a ni a, anni hi Aizawl Dawrpui Vengthar a awm ṭhin an ni a. Mahse an pa hna avangin kum 2018 khan Shillong Happy Valley a Arc Assam Regiment centre ah an insawn ta ani.

An nupa hian fa 4 an nei a, an fate zingah chuan phir 2 awm in phir te zinga pakhat zawk thla 8 mi Elizabeth C Hmingsangzuali chu vanduaithlak takin a mit a cancer hlauh mai.

Eli mit dinglam hian en mumal thei pawh nei lovin a awm a, chubakah a hnung er bawkin amah a tap nasa thei em em mai a. Chutiang a nih avang chuan a nu Mafaki chu a ngaih a ṭha thei ta lova. Tichuan hun remchang a neih hmasak ber ah chuan Shillong Doctor te hnen ah a va tlan ta nghal a,anni chuan a rang thei ang bera hmunpui zawk Hyderabad lam panpui nghal turin anlo hrilh ta a ni.

Hyderabad a mit lam thiam te chuan endikna khawl chi tin renga an endik hnu chuan mit cancer (Retinoblastoma) a ni tih an finfiah ta a ni.

A mit dinglamah chuan cancer natna hrik chu alo ṭaidarh nasa tawh em em mai a. Tichuan a nunna atana hlauhawm thei nia an hriat avangin December 27 kum 2019 khan a mit dinglam chu an paih ta a ni.

Vanduaithlak takin a mit veilamah pawh chuan Cancer cell chu alo ṭaidarh nual tawh mai a mahse Chemo te la in Doctor te chuan theih tawp an han chhuah a kumin May 6 khan Chemo te la zo in EUA te an han ti leh a. Tichuan Pathian leh ṭawngṭaipuitu te zarah vanneihthlak takin EUA Result a han chhuah meuh chuan a mit veilamah erawh cancer cell an hmu ta lo a ni.

Thlalak a kan hmuh ang hian a mit dinglam an paih hnu hian artificial eye Rs 16600 man chu amit ah an vuahsak ta a ni.

A nu Mafaki Interview na hi lo thlir ve ta che

Source : Zo Inspiration