He nausen lainatawm tak hi a khawngaihthlak khawp mai. A hringtu te chuan duh lovin a nung chungin an lo phum a ni.
He thil thlenna hi India ram Khatima, Uttarakhand ah a ni a, farm ah hnathawk tu pakhat chuan a va hmu niin an tarlang. Naute hi lei aṭanga phawrh a nih hian a taksa pum chu vaivut in a tuam vek.
Vanneihthlak takin naute hi phum ni mahse a nunna em erawh a chan hman lo hlauh a, a hmai te hruk fai sak in rang takin damdawi in lam an panpui thuai. Treatment pek nghal niin a dinhmun pawh a ngaihtuahawm lo a, a ṭha tih an sawi. He thu buatsaih lai thleng in a nu leh pa, chhungte hriat a la nilo bawk.
Tun hi India rama nau phum vawikhatna mai alo ni tawh lo a, he naute hi a nungchunga phum nungdama chhanchhuah 3 na nia hriat a ni. India ram hi chanchin chhe lam ah a langsar hle a, pawngsualna pawh a thleng nasa. BBC chuan world’s worst gender ratios zingah a report hial a, hmeichhia te tan ram him lo ber ah sawi tel a ni bawk.