Mizo Elite News hi ṭha i tihzawng a nih chuan min lo Follow dawn nia

Nausen 8 Thattu A Puh A Vawi 3 Nan An Man Leh, Midang Nunna Pawh Lak Alo Tum

Children nurse pakhat Lucy Letby tia koh hian thil sual tak tia puh a ni a, nausen tam tak thihna chungchang ah mawhphurtu ni lai mek a ni. A ni hian nausen pakhat mai nilo mi 8 lai nunna laksak tu nia rinhlelh a ni.

Nausen a kuta mi 8 an thih mai bakah hian midang 9 te pawh an nunna laksak leh a tum tih an sawi. Police te chuan Lucy Letby hi a vawi 3 na atan nausen thihna chungchang ah an man leh.

2018 khan Cheshire Police ten nau piang Countess of Chester Hospital a thi an tam lutuk vangin an lo hreng tawh a. Lucy Letby hi Chester University aṭang graduat a nia Liverpool Women’s Hospital ah pawh hna a thawk ṭhin. 2018 a an hren hnu lawk a kum leh 2019 khan offence ngai bawkin an man nawn leh ta a ni.

Police ten hospital a nau thi an tam lutuk an chhui a, March 2015 leh July 2016 inkar khan thi an ṭhahnem hle. Internal inquiry ah premature babies te thih chhan chu lung leh chuap felloh vang te a ni tlangpui bawk.

Nausen thattu a mawhpuh Letby chhungte leh ṭhian te chuan ngilnei leh pawisawilo, a hna a in pumpek tak a ni an ti ve thung. 2011 khan Lucy hi University of Chester a children’s nurse thawk turin a tling a ni.

He pawikhawihna lian tak thleng ah hian Lucy hi thiam loh chantir a nih hlauh chuan a chungthu chu a rit ve hle ang.

DM