Mizo Elite News hi ṭha i tihzawng a nih chuan min lo Follow dawn nia

Naupang Te Chu Polio Vaccine Ai Ah Hand Sanitiser Pek An Nih Vangin Damdawiin Ah Hruai Luh Ngaiin Awm Phah

Hei kher hi chu dawngdahna leh ngahthahna liantham tak a ni. Maharashtra a Yavatmal district huamchhung ah naupang 12 te chu polio vaccine ai ah hand sanitiser pek an nih thu hriat a ni.

Heng naupang te hi January 31 khan Kapsikopri khua a Bhanbora PHC (Primary Health Centre) ah Vaccine hi pek an nia, mahsela Polio Vaccine nilo in hand sanitiser pek an ni ta zawk. Hei vang hian taksa ah insawiselna neiin an nuamsamlo chho nghal a, naupang pakhat chu luak in alo bei zui a ni.

Naupang te hi kum 5 hnuai lam vek an ni a,government hospital ah enkawl nghal niin an dinhmun erawh ngaihtuahawm tak an nih tawh loh thu district official in an tarlang. He thil ah hian thawktu mi 3 te chu mawhphur tir an ni bawk.

Vaccine pek a nih lai hian doctor, anganwadi sevika leh ASHA volunteer te pawh an awm tih Report in a sawi a, thuneitu lam ten he thil thleng hi enliam mai an tum lo. Tun ah inquiry hi neih mek a ni a, Polio Vaccine ai ah hand sanitiser pek an lo ni ngei tih finfiah a nih chuan healthcare workers te hi an hna atang suspend an ni dawn a ni.