Mizo Elite News hi ṭha i tihzawng a nih chuan min lo Follow dawn nia

Naupang Pawisawilo Te Thattu Misual 3 Te Chu Mipui Hmuh Ah Kahhlum An Ni

Misual chuan an thiltihsual man vek an hmu let leh thin. Yemeni a misual 3 te chu naupang pawisawilo te nunna an laksak avangin an chungah thubuai siam in mipui tam tak hma ah tihhlum an ni.

Heng mi 3 te hi Ali al-Naami, 40, Abdullah Al-Makhali, 38, leh Mohammed Arman, 33 te an ni a, Nilaini kalta khan Sana a Tahrir Square ah an hruai, prison jumpsuits inbel tirin kun hniam tir an nih hnu ah hnung lam atang AK-47 in an kaphlum.

An ruang hi puan in an tuam a, an thi fel tih nemngheh a nih hnu ah Sipai lam te hian an la sawn leh nghal. August 2018 atang tun hi Sana ten vantlang hmuh a mi tihhlum public execution an neih hriat hmasak ber a ni.

Thiam loh chantir zinga a kahhlum Ali al-Naami, 40 hi a nupui nen inhau a an chenna a chhuahsan hnu ah June 2019 khan a fanu te 3 Rahaf, 7, Raghad, 12, leh Malak, 14 te chu an nunna a laksak a, water tank ah a hnuchhiah. Misual dang 2 Abdullah Ali al-Mukhali leh Mohammed Arman te hi mipa naupang kum 8 mi pawngsual in an that zui, hei vang hian thi tura thiam loh chantir an ni bawk.

Intihhlum na hmun ah hian mipui za tam tak pungkhawm in an thlir thuap a, an Phone hmang ten misual an kaphlum lai hi thla an lo laksak a ni.