Hei zet chuan hripui nunrawn zia leh khawngaihna a neih loh zia a va tilang chiang tak em. He hmeichhe naupang pawisawi lo hian a chunga thil thleng hi engmah awmzia reng a hre silo.
Kum 3 lek a upa tan chuan hriatthiam a har dawn em a sin. May 11 zan a Phullen khua a thleng a ni a, hmeichhe naupang kum 3 mi hi Covid positive a vangin zan a tui taka a muhil lai chu enkawl turin Ambulance hmanga hruai a ni.
In chhung atang in a nu chu a fanu ngaihtuah leh a ngaih em avangin “ka naute” tiin a tap tuar tuar a, hmeichhe naupang hian a nu tap chu lo chhawn in “Ama” tiin a nu a thlakhlelh em em chu a kalsan a tul si.
“Ama bulah” ti in a nu ngai em em chungin a tap a, tihtheih lah a awm si lo. An inthlahna video hian biangah mittui a va luantit hnem em. A nu hi nausen pawm lai a ni a,a ni (aunt) hi a in enkawlna turah hian a awmsa a, chumi kutah chuan a awmdawn a ni awm e, ngaihtuahawm lutuk an ni lo turah ngai ila, i tawngtai pui theuh ang u.
Aw hripui nunrawng kianzai rel ve tawh lul teh. I cham rei tawh lua e.