Mizo Elite News hi ṭha i tihzawng a nih chuan min lo Follow dawn nia

Naupang Damlo Surgery Neiha A Boral Ah Mawhphurtu A Puh A Nih Vangin Doctor A Intihlum

A pawi ṭhin khawp mai. India ram Kerala ah Doctor la naupang tak mai chuan ama nunna ngei la in a intihlum a, a chhan pawh a clinic a damlo thihna ah mawhchhiat a, ngaihthah leh dawngdah anga an puh vang a ni.

Dr Anoop Krishnan hi Orthopedic Surgeon a ni a, Kollam ah Clinic hawng in Anoop Ortho Care Hospital a run ve. Mahsela vanduaithlak takin Ningani khan a chenna in ah inawkhlum in an hmu.

Anoop hi a inkhai hma hian a vein te zai in bathroom ah chuan a thisen in “tihpalh” tih thu a ziak bawk. Amah hi kum 35 chauh a upa a la ni a,an sawidan chuan a clinic ah hian hmeichhe naupang kum 7 mi operate in vanduaithlak takin a boral.

A natna aṭanga damchhuak turin Anoop Ortho Care Hospital ah hian an in admit. Hospital dang phei chuan surgical procedure nei tur hian an lo hnar zel an ti bawk.

September 23 khan Surgery hi an nei ta a an zawh tawh lam ah chuan heart attack a tawk. Hospital dangah transfer ni mahse a nunna chhan theih lohin a boral. Naupang boral hnu hian hmeichhe naupang chhungte chu an lungawi lo a,Dr. Anoop chu demin a dawngdah vanga an fanu chu thi a nih thu sawiin an lo mawhchhiat a ni.

Hmeichhe naupang chhungte hian damdawiin pawn ah protests hial an nei a, chu mai duh tawk lovin Online lam ah thleng Dr. Anoop leh a chhungte hi beihrawn in campaign online an huaihawt bawk.

Hei hian Dr Anoop chu a tibuai hle a, a hming chu nasa taka tih hmelhem sak in a awm. A thil tawn chu hrehawm a tih em avangin a tuar zo ta lova a intihhlum phah ta hial a ni. Dr Anoop hian a nupui leh a fapa Dr. Archana leh Adithya Krishna te a kalsan.

IT