Mizo Elite News hi ṭha i tihzawng a nih chuan min lo Follow dawn nia

Naupai tih a puan hnuah Kylie Jenner a vawikhat nan vantlang hmuhah a inlan

Reality Star, Kylie Jenner (kum 24) chuan a fa pahnihna tur a beisei leh tia a rai thu a puan atang a vawikhatna atan vantlang hma ah a inlan ve leh.

Kylie Jenner hi Nilaini zan khan Soho, New York City a Carbone ah raipuar tih hriat loh khawp a chhelo fahran in a teichhuak a, Curve-clinging white mini dress inbel in han enthuak ringawt phei chuan nau a pai tih a hriat lutuk lem loh.

Tuna a fa pahnihna tur a pai mek thu hla ah hian Kylie Jenner hian fans te beisei ai hma daihin chanchin hi a puangzar hma. A fanu Stormi Webster a pai lai kha chuan Media leh fans te hriat theih hauh loh turin a thup tlat a, Stormi pian hnu ah fa a nei a ni tih hi khawvel in a hre ve chauh a ni.

He makeup mogul hian sum leh pai hman tur ah buaina leh harsatna engmah a nei lo a, fate tana a pawisa hman lah a ui ngai hek lo. A fanu Stormi atang hian Kylie in a hmangaih te a duat thiam thin zia chu a chiang thawkhat. Tuna an fa rawn piang leh tur pawh hi fanu emaw fapa vannei tak a ni leh ngei ang le.

Kylie leh Travis te hi ni leh nilo ang in 2017 atang in an inzui tan tawh a, karah neuh neuh te han awm thin mahsela an inthen hlen thei tak tak chuang lo. Mi thenkhat ten Kylie in Travis a kawppui atan a thlan chungchang hi hrethiam thei lo an kat nuk bawk a. Mahsela Kylie hian Travis hi sum vanga kawp chu a nilo tih mimawl ber tan pawh in a hai theih loh. Kylie hian a hman tur chu a thawkchhuak tam tawk a, Forbes in tlem lai deuh khan Billionaire naupang ber ah an puang hman deuh zuai a ni.