Mizo Elite News hi ṭha i tihzawng a nih chuan min lo Follow dawn nia

Natna Khum Ah A Hun Tawp A Hmanlai Mekin A Tawp Nan A Ranvulhte Nen In Thlahna An Nei

Ran leh mihring te inkarah hian inzawmna tha tak a piang thei a ni tih a tichiang kher mai. Ran chunga khawngaihna nei lek lo an awm laiin thenkhat erawh chuan chhungkaw mi leh sa ang maiin hmangaih takin an kuangkuah thin.

Cheshire a mi nu pakhat Jan Holman, 68 hian natna vangin damdawiin ah hun a hmang a, Hospice of the Good Shephard ah chuan chawlhkar 4 laia rei awm tawh in a dinhmun chu a tha lo tial tial bakah a enkawltu te pawh in dam taka ngai a awh leh theih pawh an beisei ngam tawh lo.

Damdawiin a chawlhkar 4 chhung hun a hman avang in a ran vulh te chu a ngai tak zet a, fa ang maia alo enkawl a ui leh a sakawr te chu hmuh leh ngei a duh a ni. Staff te chuan a nun a a ranvulh te an pawimawh zia hi hriatsak in a tawp nan a ui pahnih leh a sakawr te chu a la damlai ngeia an inhmuh theih nan ruahmanna an siam ta a, damdawiin khuma a mutna ah chuan a ran te hi an va hruai a ni.

Khum atang pawh a thochhuak thei a nih tawh loh vangin Staff ten a ranvulh te nen inhmuh theihna an siam sak ah a lawm tak zet. “Ka tana staff te an inhlanna leh inpekna hi awih har ka ti zawk hial a ni” tiin a sawi nghe nghe.

Jan Holman hi damdawiin a a ran enkawl te nen a an intawhkhawm lehna thlalak hi Social Media ah phochhuah a ni a, mite thinlung leh rilru a khawih in a chunga natna in thla a zar chu lainat tu tam tak an kat nuk bawk.