Mizo Elite News hi ṭha i tihzawng a nih chuan min lo Follow dawn nia

Natna Khirh Tak Vanga A Bialnu Damdawiin Khum A Awm Mek Chu A Hmangaihzia Hriattirin Nupui Ah A Sawm

A bialnu chu eng dinhmun ah pawh ding mahse kalsan leh thlahthlam a tum loh zia a lanchhuah tir a, an inhmangaihna chu ruahsur tlenfai tawk lek ang a ni ve lo. Natna khirh tak chuan an inkara hmangaihna chu a letin a ti pung zawk.

Huanqiu in a tarlan ah chuan damdawiin a khum beta awm mek hmeichhia hi Liu Yongmei a ni a, natna khirh leh enkawl dam hleitheih loh vei mekin hun eng emaw chen chu damdawiin ah hian a awm tawh. A natna hi aplastic anemia an ti a, non-regenerative anemia tia hriat a ni bawk.

Doctor te sawidan in heng natna vei hi chu an damchhuak mawh hle. Doctor ngei pawh in Liu hnen ah hian a natna hi chipchiar tak in a hrilh chiang duh lem lo a, a chhan pawh amah ah nghawng tha lo a neih phah palh ang a, a dinhmun in hniam lam a pan ang tih a hlauhthawnpui vang a ni.

Liu kawppui Pan Pengfei hnen ah zawk chuan a dinhmun kimchang hi a hrilh. He natna vei tawh zinga 50% te chuan thla tam an daihlo tlangpui. Doctor thusawi vang chuan Pan thinlung pawh a na hle a, pawm thiam harsa pawh a ti. Mahsela a bialnu tan a theih tawkin a lawmna leh hlimna thlensak chu a mawhphurhna ah dah a, a kiangah a awmpui deuh chawt thin.

Pan hian Liu bula hun tam a hman theih nan Hospital hnaih lawkah a khawsak phah. A bialnu mamawh leh duhzawng te chu a tihsak thin a, a dinhmun chhiat ber lai pawhin a that chhuah leh theih nan a fuih hram hram zawk.

Liu chuan in a bialpa hma hun tur ngaihtuahsak chungin then pawh a tum hmasa fo a,mahse Pan chuan a remti lo bur. Eng ang pawh in natna khirh tak pawn tlakbuak mahse a hmangaihna chu a tak a nih zia a hmuh tir. Hospital room ah ngei chuan nupui atan a sawm a. Liu enkawltu Doctor te ngei pawh Pan an a bialnu a hmangaihzia a lantir hian a hneh em vangin an mittui an dang zo bik lo.

A bialnu chungah hian Pan chuan in thil mak a thlen ngei a la ring fan a, a natna vei mek atang hian damchhuak in hlim tak a an awmdun theih a beisei a ni.