Mizo Elite News hi ṭha i tihzawng a nih chuan min lo Follow dawn nia

National Flag vai chungin Miss Adline Castelino in India ram leilung a rap

Miss Universe 2020 thlanna neih a India ram aiawh a inlan, palina dinhmun hial hauh tu Miss India Adline Castelino chu Florida atang India ram rawn kirin Thawhlehni zan khan Mumbai airport a thleng.

Adline Castelino hian chhuang tak in Airport ah hian thlalatu te hma ah National Flag pawt pharh in a vai phe a, dark-hued shimmery pantsuit nalh zet inbel in hmuh a nuam hle.

Florida a 69th Miss Universe competition ah Adline Castelino hian khawvel ram hrang hrang a hmeichhe nalh 74 te fuankhawm karah third runner up ah a inhlangkai thei a ni.

India ram hian kum 20 chhung zet chu Miss Universe ah hian Top 5 ah tumah reng an lang tawh lo a, kum in ah erawh Adline Castelino in India ram tan Beauty Pageant sang berah hriatreng tawh tur a hnuchhiah.

Adline Castelino hi Competition ah chuan a ber nihna hauh kher lo mahsela India ram tan erawh kan Miss Universe a ni tawh tho tho.