Civil tam tak an thih thu hriat karah chanchin danglam hriat a ni zui leh.Pabedan Township, Yangon a National League for Democracy (NLD) ward chairman, U Khin Maung Latt chu Sipai te kut tuar in a thih thu hriat a ni.
U Khin Maung Latt hi Inrinni zan khan sipai leh Police ten an hreng a, nasa takin kut an thlak niin an sawi bawk.
Amah hi kum 58 a upa Muslim sakhaw vuantu a ni a, Myanmar sakawlh te hian dimna nei lek lo in an hlap bakah an pet bawk thu Irrawaddy chuan a tarlang.
Pathianni zing khan a boral thu hi a chhungte hnen ah hriattir a ni a, a chauh thut vangin a boral tiin a ruang hmuh hrehawm leh thisen in a bual Mingaladon military hospital tang an la.
Former Political Prisoners Society, U Tun Kyi chuan a vuina ruahmanna ah a chhungte a puih tur thu sawiin sawisak tuar vanga boral ngei a ti ve bawk a, a vuina hun hi Pathianni chawhnu lam vek khan neih a ni.
U Khin Maung Latt hi 2015 leh 2020 general elections khan NLD candidates tan campaigne in a thawhhlawk hle. Social welfare lama a hnathawh te vangin hriat a hlawh bawk. A chunga thil thleng hi a rilru natthlak in a chhungte tan lungawi a har khawp khawp ang.