Mizo Elite News hi ṭha i tihzawng a nih chuan min lo Follow dawn nia

Myanmar Sipai Ten Hrem Leh Ensan Nih Pawi An Ti Lo, Mahni In An Ding Thei Tih UN An Hrilh

Sipai thuneihna hnuai ah Myanmar ram chu a awm mek a, pawisawilo mitam takin an nunna chan phah tawh bakah an la thih belh zel bawk. Ram mipui te lah in zalenna an hmuh theih nan kawng an zawh mup mup reng a, sipai sawrkar te nen innek buaina a chhuak.

Amaherawh chu mipui te ang bawkin thuneihna an chelh leh tak hnu hian sipai sorkar te pawh in tlawm an tum bik lo. An thuneihna kengkawh turin ram dang atang hrek/hremna mai bakah ensan hlawh tur pawh in an in peih diam thu U.N an hrilh.

February 1 a Sorkar dinglai an paihthlak atang khan sipaite hi Sanctions pawh tawk turin an lo inpeih fel sa tawh.

U.N. special envoy on Myanmar, Christine Schraner Burgener chuan Myanmar’s deputy military chief Soe Win nen inbiakna an neih ah an thil tih avanga ram dang dang atang hrekna len ensan an hlawh theih thu a hrilh chuan a hma pawh in hrekna te chu an lo tuar fo tawh a, mahsela an dam khawchhuah tho thu in alo chhang niin a sawi.

Tin, Christine Schraner Burgener hian ensan pawh tawk thei reng an nih thu a hrilh lawk pawn “thian tlemte nen chauh a kaldan kan zir mai a ni ang chu” tiin Soe Win hian alo chhang let.

Nilaini khan mi 38 laiin nunna an chan hman. Elected government leader Aung San Suu Kyi chu an man hnu ah thubuai dang awrh tir leh a nih hnu in thubuai 2 pek belh leh a ni bawk. Myanmar dinhmun kalzel dan tur hi hriatthiam a har khawp mai.