Mizo Elite News hi ṭha i tihzawng a nih chuan min lo Follow dawn nia

Myanmar milarte chan a chau tak zet, hremna hmachhawn dawn

February thla atanga buai tawh Myanmar boruak chuan tun thlengin ziaawm lam ala pan thei lo a, sipai suaksual te chuan an duh mak mawhin lalna leh thuneihna an la chelh chhunzawm. Nu nau tam tak mangang leh thlabar in an siam.

Democracy Protests thlawptu te zingah zalenna hmuh tuma theihtawp a beitu Myanmar milar te chu man an ni a, an chungah thubuai siam sakin hremna pek an nih thu hriat ani.

Media lam in an tarlan danin Pyay Ti Oo leh Eaindra Kyaw Zin bakah male model Paing Takhon te chu an chungthu ngaihtuah sak an ni tawh. Pyay Ti Oo leh Eaindra Kyaw te hi kumin April khan man an ni. Court chuan kum 3 Jail tang tur leh hna hahthlak thawk turin an chungthu a rel sak.

April thla a sipai ten an man vek model leh actor, Paing Takhon pawh kum 3 jail tan leh hna rim thawk tura hremna pek ve tho a ni a. Thawhtanni khan a lawyer chuan a chungthu rel a nih dan hi a rawn puang.

Paing Takhon hi anti-coup protests ah theihtawp a ram tana sualtu zinga mi a ni a,a Social media kaltlangin sipai rorelna chu a dem thu a tarlang fo. Anni bakah hian midang Lu Min (Actor and Director), Ye Htaik (Model/Actor), Win Min Than (Beauty Blogger), Po Po (Singer) leh Saw Phoe Khwar (Singer/Song Writer)-te pawh hremna in ang vek pek an ni bawk.

Association for Assistance of Political Prisoners ten an tarlan danin military government hnuaia Myanmar awpbeh anih atangin a lo berah 1,377 ten an nunna an chan tawh.