Mizo Elite News hi ṭha i tihzawng a nih chuan min lo Follow dawn nia

Myanmar Lemchanthiam Leh Model Paing Takhon Chu Sipai Ten An Man

Myanmar sipai nunrawng tak te chu an che rum chho tial tial a, Min Aung Hlaing pawlte hian tunhnai khan milar eng emaw zat anti-coup protests neia chhuak te, an tana hlauhawm nia an ngaih ho man theihna thupek an tichhuak.

Milar eng emaw zat te man tuma chhui zui an ni a, tukin April 8 khan Myanmar milar pakhat lemchanthiam leh Model ni bawk Paing Takhon chu man a nih thu Khit Thit Media chuan a rawn puang.

Zinglam dar 5 khan Paing Takhon hi a chenna North Dagon area of Yangon ah man a ni a, AFP in Takhon chhungte hi man a nih leh nih loh chungchang an zawh chian chuan thudik ngei a ni tih an puang.

Junta ten an man hian Takhon hi a hriselna dinhmun a tha lo tak zet a, man a nih hma pawh in a Facebook leh Instagram ah te a taksa a damloh thu a tarlang bawk. A unaunu May Chit Thwe pawhin Facebook Page kaltlangin an tan tawngtaipui mawlh mawlh turin midang te a ngen bawk a ni.

February 1 atang a sawrkar dinglai paihthlak a nih hnu khan Paing Takhon hian a ram tan Anti- Dictatorship Street Protest neiin theihtawp in a in hmang a, Sipai sorkar a dodal. Kawngzawha a thlalak te pawh Internet ah nasa takin a darhchhuak a, a lar zui hle nghe nghe.

Hetia man a nih takah chuan Junta te hian nungdam in an chhuah zalen dawn leh dawn loh hi sawichian a har ta hle. Amah hi Myanmar mai bak ah Thailand ah pawh huhang a nei lian viau a TV commercials leh shows ah te a inlan thin.

Inquirer in a tarlan danin Junta te hian an tana hnawksak zual milar 120 dawn man theihna thupek an pechhuak a, heng list ah hian singers Lin Lin and Chit Thu Wai, actors Phway Phway, Eaindra Kyaw Zin leh Pyay Ti Oo leh model May Myat Noe te pawh an tel a ni.