Mizo Elite News hi ṭha i tihzawng a nih chuan min lo Follow dawn nia

Myanmar Buaina Kal Zel Ah Mipa Pakhat Kahhlum A Ni Leh, A Nupui Nau Pai Mek Leh A Fapa A Kal San

Pawisawilo mi eng zat tak in nge nunna la chan belh dawn tih hi sawi thiam a har hle. A ni tel in chanchin duhawm lo a thleng reng bawk si a, sipai te lahin zah an ngai lo nasa. Thla a muang lo tak zet.

Angel thihna in khawvel ngaihven a hlawh em em a, mi zawng zawng deuhthaw in Myanmar buaina ah an beng an chhi thup mek.

Sipai leh mipui inkara in nek buaina kal zel ah Zirtawpni khan Mandalay a cheng pa pakhat kum 26 a upa Ko Zaw Myo tia koh chu sipai lam ten silai an hmehpuah ah kahhlum leh a ni tih Burma News, The Irrawaddy chuan a tarlang.

Mita hmu tu te sawidan in Ko Zaw Myo hi resident dang nen pungkhawm in anti-coup student protesters an tanpui. Police leh military troops ten silai hmehpuak in tear gas leh grenades te chu protesters leh resident te lakah an che lek.

Ko Zaw Myo hi a nghawng ah kah a ni a, rescue workers ten a nunna chhan tumin bei mahse chhan theih lovin a boral. Ko Zaw Myo hian a fapa leh a nupui nau pai mek te chu a kalsan tih hriat a ni.

Sipai pawl te hian nasa takin lal an hrawt a, lirthei te tihchhiatsak in chenna in hrang hrang an suasam a, an pawisa leh thil hlu dangte an chhuhsak bawk. A tlem berah mi 54 te chu kahhlum an ni tawh angin report a awm a, mi 100 tel in hliam an tuar. Mipui te pawh an chanvo hmuh leh ngei tum in thisen luang karah an la bei ve tang tang zel bawk.