Mizo Elite News hi ṭha i tihzawng a nih chuan min lo Follow dawn nia

Muslim Sakhaw Zuitu Tablighi Jamaat Ten India Ram Chu Dinhmun Derthawng Takah A Dah, Assam A Ngaihṭhat Thlak Tawh Loh Hle

Hmasawnna ṭangkai lo ber zinga mi chu a ni teh meuh mai. India ram khawpui New Delhi a Nizamuddin a Muslim sakhaw vuantu Tablighi Jamaat te punkhawmna chuan India ram chu dinhmun derthawng tak ah a dintir mek a ni.

He Muslim punkhawmna ah hian kan ram ṭhenawm Assam aṭanga kal zinga mi 4 te chuan Covid19 hi an Positive thu Assam Health Minister Himanta Biswa Sarma chuan vawiin khan a puang.

Heti hian Positive hmuhchhuah hmasak ber kum 52 mi te nen Assam hian Positive 5 a nei ta. Kum 52 a upa positive hmuhchhuah hmasa ber hi Silchar Medical College ah enkawl a ni a, a dinhmun a ṭha zel niin an sawi. Positive hmuhchhuah thar mi 4 te hi Guahati Medical College ah dah niin kum 19 aṭang kum 60 a upa te an ni.

Assam Health Minister chuan Assam aṭang Tablighi Jamaat Event ah hian hriat theih chinah mi 456 te chu an kal thu a sawi. Assam dinhmun pawh a ngaihṭhat thlak tawh loh hle a, Positive hi la belh thei dinhmun ah an ding mek.

Tablighi Jamaat inkhawmna ah hian India ram chu dinhmun derthawng tak ah a dintir a, chhimtu hi India ram chhung chauh nilo ram dang aṭang an tel bawk.

India ram hi khawvel a mihring bitna lam ah pahnihna a ni a, khawvel Media te pawh in a ruka an thlithlai lai mek reng a ni bawk. Tablighi Jamaat Event a tel zingah haw nghal lova zinkual awm vang te in engzat nge kai awm belh anga an putdarh ang tih hi a sawi theih loh.Tablighi Jamaat punkhawmna hian India chu Covid19 Positive ah hmasawmna duhawm lo a neih phah ngei a rinawm hle a ni.